Philippe IV confirme l'achat de deux rentes sur le travers de Maisons, venant de Gasce et de Simon de Poissy

Philippus Dei gracia Francorum Rex. Notum facimus universis tam presentibus quam futuris quod cum dilecti nobis in Christo Magister, priorissa, fratres et sorores Domus Dei de Pontisara a Gacone de Pissiaco milite centum solidos et a Symone de Pissiaco centum et quatuordecim solidos parisienses annui et perpetui redditus in et super emolumentis et obventionibus portus de Domibus super Sequanam suo et dicte Domus nomine, ut dicunt, acquisierunt titulo emptionis. Nos ob nostre carissime consortis quondam nostre ac predecessorum nostrorum animarum remedium et salutem, et ut operum pietatis que in Domo Dei predicta fuerint incessanter simus participes et consortes, prefatis magistro fratribus et sororibus duximus concedendum, ut suo et dicte Domus nomine, redditum supradictum de cetero teneant, habeant et possideant perpetuo pacifice et quiete, absque coactione vendendi vel extra manum suam ponendi, aut nobis vel successoribus nostris prestandi quamcumque financiam pro odem, salvo in aliis jure nostro et in omnibus quolibet alieno. Quod ut firmum et stabile permaneat in futurum presentes litteras sigilli nostri fecimus impressione muniri. Actum apud. Coronamanno Domini millº cccº nono mense septembris .