Confirmation par Pierre Abin, damoiseau, de la charte d'Ade de Travailles.

Ego Petrus dictus Abin domicellus. Notum facio universis presentes litteras inspecturis quod ego vendicionem et quitacionem quas Guillelmus dictus de Espeluchiis et Emmelina soror ejus et Richardus Hurtaut et Droco de Espeluchiis, Radulphus dictus le Courtois et Galterus dictus de Insula fecerunt Excellentissimo Domino Ludovico Regi Francie de domibus quas habebant apud Pontisarem in loco ubi construitur Domus Dei Pontisarensis, quas tenebant predicti de me ad quindecim denarios censuales, et mortificacionem quam domina Ada de Travailles fecit Domino Regi de predictis domibus quas tenebat de me, volo, laudo benigniter et concedo et quicquid juris seu dominii in predictis habebam vel habere poteram Domino Regi vel ejus successoribus quito... (ut suprà.) Quod ut firmum et stabile permaneat, Ego predictus Petrus presentes litteras ad instanciam dicte domine Ade sigilli mei munimine roboravi. Datum anno Domini Mº ducentesimo quinquagesimo octavo, mense junio .