Vente d'une Maison à Paris par Cheron la Juive.

A touz, etc. Guillaume de Hangest... par devant nous Cheron la Juive demourant a Paris en la court Robert de Paris, et afferma que elle avoit tenoit et poursuivoit une meson seant a Paris en la rue des Juics aus deus portes, tenant dune part a la meson de ceus de l'Otel Dieu de Pontoise et dautre part à Haquin de Montmorenci en la censive Nostre Segneur le Roy, charchiee par an en un tournois de cens et en vint et deus sous parisis de creis de cens, a paier chascun an aus quatre termes a Paris acoustumes, c'est a savoir douze souz parisis a ceus de l'Otel Dieu de Pontoise et dis sous parisis a Benaart de Chausmes juif. Laquele meson la devant dite Cheron reconnut avoir vendue et quitee... au maistre dudit Otel Dieu... pour le pris de dis libres de tournois... et promist par sa lay par devant nous que contre ladite vente ne vendra ne venir ne fera par quelque droit ou reson que ce soit... lan de grâce mil cc. quatre vinz et douze le mercredi apres le feste Saint Nicolas diver. Huede de Saint Denys.