Vente d'une part de travers de Maisons par Jaques de Poissy, clerc

A touz ceus qui ces presentes lettres verront et orront. Je Jaques de Poissi clerc fils feu Monseigneur Gace de Poissi jadis chevalier saluz. Sachent tuit que je ai vendu quitié et délaissé a touzjours mes au maistre a la prieuse aus freres et aux sereurs de la Meson Dieu de Pontoise vint libr. de parisis de rente annuel a prendre et a lever... chascun an le jour de la Purificacion Nostre Dame sus toute me partie que je ai et puis avoir ou port et ou travers de Maisons sus Sainne que je tien en fié et hommage de Nostre Seigneur le Roy de France, pour le pris de douze vinz libr. de parisis, miens quités..... et soupli a nostre tres cher Seigneur le Roy devant dit, de qui je tenoie en fié les vinz libr. de rente devant dites que il toutes les choses devant dites et chascune dicelles weulle greer, loer, approuver et confermer par ses lettres pendanz. Et en tesmoing de laquele chose jai seelé ces presentes lettres de mon propre seel douquel je use, qui furent fetes lan de grace mil deuz cens quatre vinz et quinze u mois de aoust, le juesdi apres la feste Saint Pere aus Liens.