Charte de Philippe de Trie.

Ego Philippus de Tria miles Notum facio omnibus presentes litteras inspecturis quod ego laudo et approbo venditiones quas fecerunt Excellentissimo Dno Ludovico Dei gratia regi Francorum Paganus Draparius et Juliana ejus uxor, Symon dictus Juvenis et Agnes ejus uxor, burgenses Pontisarenses, de duobus domibus que movebant de feodo meo, sitis Pontisare in vico Pontis Pontisare in loco ubi nova Domus Dei Pontisare constructa est ; et etiam escambium quod fecit dicto Domino Regi Johannes de Chambli de quadam domo contigua duabus domibus antedictis. Quittans dicto Domino Regi omnes census et quidquid juris et dominii in dictis domibus habebam vel habere poteram, et hoc mediantibus quinquaginta libris parisiensibus quas propter hoc a dicto Domino Rege me recepisse recognosco in pecunia numerata michi tradita et soluta. Promittens firmiter fide super hoc prestita corporali quod... dictas domos contra omnes dominos qui jus sive dominium aliquod in dictis domibus reclamare vellent usque ad Dominum Regem Francie garantizabo et procurabo erga uxorem meam quod ipsa omnia et singula in litteris hiis contenta laudabit et acceptabit, sub sigillo curie Paris., patentibus litteris ipsius curie apposito, et ea datione fidei roborabit. In cujus rei testimonium sigillum meum duxi presentibus litteris apponendum. Actum anno Domini Mº CCº LXº Iº mense julio .