Charte du roi Philippe IV confirmant le don d'une rente de 200 livres sur la prévôté de Pontoise, fait à l'Hôtel-Dieu par saint Louis

Philippus Dei gratia Francorum rex. Notum facimus universis presentibus et futuris, quod cum beatissimus Ludovicus, avus noster, quondam Francorum rex, Domui Dei seu hospitali Sancti Nicolai juxta Pontisaram certas possessiones et redditus contulerit intuitu pietatis, inter que predictus rex ducentas libras parisienses percipiendas et habendas annis singulis in et super emolumentis prepositura de Pontisara certis terminis, videlicet centum libras in crastino purificationis Beate Marie Virginis et centum libras in crastino Ascensionis dominice contulit, prout in ipsius beatissimi Ludovici super hoc confectis litteris plenius continetur, nobisque ex parte prions fratrum et sororum dicte Domus seu hospitalis fuerit intimatum quod cum major et jurati de Pontisara, quibus dicta prepositura postmodum, sub redebentiis in quibus dicta prepositura erat onerata, extitit tradita, dictum redditum predictis terminis solvere non velint, sed, quod deterius est, ipsos priorem et fratres oportet elapsis dictis terminis si dictas ducentas libras annui redditus post diuturni temporis expectationem velint habere, quod ipsas alibi quam apud Pontissaram percipiant, propter quod ipsi prior et fratres damna quam plurima, expensas et misias se asserunt preteritis temporibus incurrisse, supplicantes sibi ac ipsi Domui et pauperibus ibidem existentibus per nos super hoc de cumpetenti remedio provideri. Nos igitur in hac parte eorum supplicationibus inclinati attendentesque gratam ac Deo acceptam devotionem quam idem beatissimus Ludovicus erga dictam Domum ac Christi pauperes ibidem existentes habuit, tenore presentium declaramus, statuimus et decernimus quod dicte ducente libre parisienses modo et supra scriptis terminis apud Pontisaram et non alibi, de emolumentisdicte prepositure a predictis majore et juratis seu ab illis quos dictam contingerit futuris temporibus preposituram tenere, solvantur ; volentes nihilominus et authoritate regia precipientes expresse quod prefati major et jurati aut illi qui predictam preposituram tenebunt, pro qualibet die qua in defectu solvendi dictum redditum predictis terminis aut eorum altero fuerint, viginti solidos parisienses, nomine pene, predictis priori et fratribus eorumque successoribus solvere teneantur, ad quam penam solvendam si et quando commissa fuerit una cum principali, ipsos majorem et juratos aut illos qui predictam preposituram tenebunt per ballivum nostrum Silvanectensem qui nunc est et qui pro tempore fuerit absque alterius expectatione mandati cumpelli volumus et mandamus. Quod ut ftrmum et stabile permaneat in futurum, presentibus litteris nostrum fecimus apponi sigillum, salvo in aliis jure nostro et quolibet in omnibus alieno. Actum apud Bethisiacum anno Domini millesimo trecentesimo undecimo mense julii. 1 per Elemosinarium J. de Templo.