Accord au sujet du pressoir de Champagne.

Universis p. l. i. vicarius... Dionysius Fournerius recognovit quod magistri... et sorores Domus Dei de Pontisara erant domini recti feodales cujusdam pressorii apud Campanias in vico vulgariter nuncupato Heres siti... et quod habebant et possidebant... duas partes pressoragii ejusdem pressorii. Item procurator dictorum dominorum feodalium recognovit quod dictus Dyonysius habebat terciam partem pressoragii ejusdem pressoris... quam idem Dionysius recognovit se tenere in feodum ab eisdem dominis... et dicti domini concesserunt suas duas partes... dicto Dionysio ad mediationem octo modiorum vini pressoragii... solvendorum annis singulis in vindemiis... Si vinum pressoragii... non posset sufficere ad solutionem... dicta solutio... integraliter proficeretur de portione... dicti Dionysii, quam portionem... recognovit se non posse admovere usque ad unum dolium vini trium modiorum, donec dicti octo modii integraliter fuerint persoluti. Etiam sic quod si dicta portio... dicti Dionysii in toto vel in parte non sufficeret... de suo vino proprio suarum vinearum ad estimationem valoris vini pressoragii in solidum fideliter adimpleretur. Datum anno Domini Millº ducentesimo octogº secundo die sabbati ante Nativitatem beate Marie virginis.