Charte de Guillaume Tirel, chevalier, sire de Pois

Je Guillaume Tirel chevalier sire de Pois fas a savoir a tous ceux qui ces presentes lestres verront et orront, que jé receu LVII. Sols et II. deniers de Paris du Metre, de la Prieuse, des freres et des sereurs de la Meson Dieu de Pontoise, pour la reson de Henri de Pois mon frere, pour sa partie de lamortissement des mesons de lavant dite Meson Dieu que li Rois leur acheta mouvans de mon fié. Et premest au devant dit metre, prieuse, freres et sereurs que ce li dis Henri leur en demandoit riens du devant amortissement que je les garderoie et garantiroie de daimaiches. Et en oblige ce que jé en la chatelerie de Pontoise jusque à la value de lad. sume dargent. Et pour ce que soit ferme et estable je devans dis Guillaume chevalier é ces presentes lestres seellées de mon seel. Ce fu fet en lan de grace mil deus cens lxxviij ans, le semedi apres feste Saint Martin diver.