Lettres royaux de Louis IX amortissant les biens de l'Hôtel-Dieu
- A Original. Arch. hosp. Pontoise, A 1. Scellé de soie rouge et verte, d'un roi assis en sa majesté, tenant de la droite une fleur de lys et de la gauche un sceptre fleurdelysé. Ludovicus DiG..... Francorum Rex. Contrescel : une fleur de lys. Détruit en 1944.
- a Cartulaire de l'Hotel-Dieu de Pontoise, éd. Joseph Depoin, Pontoise, 1886.
LUDOVICUS Dei gratia Francorum Rex. Notum facimus universis tam presentibus quam futuris quod nos divini amoris intuitu et pro remedio anime nostre ac inclite recordationis regis Ludovici genitoris nostri et Regine Blanche genitricis nostre ac aliorum predecessorum nostrorum, Domui Dei de Pontysara concessimus quod in terra et feodis ac retrofeodis nostris possit in posterum usque ad centum libras annui redditus justo titulo emptionis seu donationis aut alio quocunque justo modo acquirere. Et sic tam hujusmodi acquirenda quam etiam ea que jam in terra feodis et retrofeodis nostris predictis justo modo et licito acquisivit et pacifice possedit, imperpetuum tenere ac pacifice possidere que ea extra manum suam ponere non cogatur. Retentis nobis et nostris successoribus in predictis omnibus juribus, justiciis et redebentiis nostris et etiam salvo jure in omnibus alieno. Preterea placet nobis et volumus quantum in nobis est ut in dicta Domo Dei non plures sorores velate existant quam tresdecim aut ad plus quatuordecim que ibidem Deo et pauperibus famulentur et de bonis ipsius Domus sicut bonum fuerit sustententur. Quod ut ratum et stabile permaneat in futurum, presentibus litteris nostrum fecimus apponi sigillum. Actum Parisius .
