Quittance par Guillaume de l'Aumône et sa femme à l'Hôtel-Dieu

Universis p. l. i. Vicarius... Guillelmus de Elemosina et Ysabellis filia Galteri filii defuncte Gile d'Andelincourt uxor ipsi Guillelmi, asserentes quod ipsa Ysabellis ante contractum inter ipsos matrimonium moram traxisse in Domo Dei Pontisare tanquam una de familiaribus et pedissetis dicte domus, super omnibus et singulis contractibus et obligationibus ex quibuscumque causis originem ducentibus sive ratione servicii, sive ratione bonorum que dicte Domui donaverat, contulerat vel vendiderat sive alia ratione quacumque, magistrum, priorissam, fratres et sorores dicte Domus et eamdem Domum ex nunc et imperpetuum penitus et omnino quittaverunt, receptis primitus ab eisdem conjugibus quatuor libris et quatuor solidis paris. in quibus dicti religiosi tenebantur eidem Ysabelli, residuis de sex libris par. in quibus eidem Ysabelli tenebantur de quodam curtillo ipsius ab eadem vendito de quo fit mentio in quodam instrumento inter ipsos confecto... Datum anno Domini millº ducentº nonagº quinto die martis post Brandones .