Partage du champart de Mézières entre le chevalier Pierre de Chars, son frère Jehan le Galois et leur sœur Isabelle
- A Original sans sceau. Arch. hosp. Pontoise, H ii. Détruit en 1944.
- B Bibl. nat. de France, lat. 5657, fol. 56.
- a Cartulaire de l'Hotel-Dieu de Pontoise, éd. Joseph Depoin, Pontoise, 1886.
Sciant omnes tam presentes quam futuri quod nos dominus Petrus de Carcio miles et Johannes dictus Gales dicte ville, armigeri fratres, repartiti fuimus et sedimus, et in perpetuum concessimus pro parte terre, Nicholao de Marcho armigero et Ysabelli uxori sue, sorori nostre, vinginti quinque sextarios bladi ybernagii et tresdecim sextarios avene ad mensuram Pontisare, percipiendos et levandos in nostra campiparte de Mesieres ubicumque sit dicta campipars vel veniat, persolvendum annuatim de dicto blado quod venit ad dictam campipartem sine impejoratione aliqua, et de tali avena similiter. Tali vero conditione quod ego dictus Johannes aliquid de dicta campiparte non possum percipere nec levare, nisi unum modium grani, donec de predictis omnibus, predictis Nicholao et Ysabelli uxori sue vel eorumdem heredibus plenarie fuerit satisfactum. Et si forte contigerit quod ego dictus Johannes in solutione omnium predictorum vel alicujus rei in parte ad dictum terminum deficeram, tenerer predictis Nicholao et Ysabelli uxori sue vel eorum heredibus in duobus solidis parisiensibus, nomine pene, pro qualibet die defectus, cum debito reddere principali. Hec autem... teneor reddere fide mea prestita corporali. Quod ut ratum et firmum permaneat, presentes litteras sigilli mei munimine confirmavi. Ego autem Petrus miles, de cujus feodo movet dicta campipars, omnia predicta approbavi... et sigilli mei munimine roboravi. Datum et actum .
