Carta Odonis Belvacensis Episcopi confirmantis donum comitis Rainaldi de tertia parte pontis de Credulio.

Odo Dei gratia Stæ Belvacensis ecclesiæ Episcopus universis catholicæ matris Ecclesiæ filiis et fidelibus tam futuris quam presentibus æternam in Dno salutem. Noveritis omnes X(( fideles quod RainaldusClaromontensis comes, divino instinctu commonitus, pro sua suorumque parentum et antecessorum salute contulit Deo ecclesiæque beati Lupi de Hescerento totam tertiam partem transitus pontis de Credulio. Hoc vero donum laudavit ac benigne concessit Clementia124 uxor prædicti comitis cum filio suo Guidone215, annuentibus etiam omnibus majoribus natu de Credulio qui in prædicto transitu pontis partes suas habere videbantur. Verum ut hoc donum firmum ac stabile et ab omnibus per succedentia tempora illesum subsistere posset, prædictus comes nobis mandavit et humiliter deprecatus est ut, divinæ pietatis suæque dilectionis respectu, donum suum et eleemosynam literis nostris sigillo authoritatis nostræ munitis comfirmaremus et omnes illos qui deinceps monachis beati Lupi super hac re aliquod damnum, vel fraudem, vel violentiam inferre tentaverint, sub anathemate poneremus. Cujus nos precibus cogente charitate annuentes, donum istud literis nostris canonico more sigillatis confirmamus et omnes illos sub anathemate ponimus et excommunicamus qui quodlibet damnum parvum vel magnum super hac re monachis beati Lupi intulerint.