Carta Dm Milonis Belvacensis Episcopi de magna et parva decima apud Stum Albinum.
Donation faite par Philippe de S. Aubin, Félicie, sa femme, Simon et Eufémie, ses frère et sœur, de tous leurs droits sur les dîmes de S. Aubin, etc.
- B Bibl. nat. de France, Baluze 46, p. 21.
- a Cartulaire du prieuré de Saint-Leu d'Esserent (1080-1538), éd. Eugène Müller, Pontoise, 1901.
Milo469Dei permissioneBelvacensis Episcopus, omnibus presentes literas inspecturis salutem in salutis authore. Universitati vestræ notum facimus quod Philippus miles de Sto Albino470, Symon frater suus, et Eufemia soror eorum, in nostra presentia constituti, ecclesiæ Sti Lupi de Escerento, pro remedio animarum suarum et antecessorum suorum contulerunt in perpetuam elemosynam et penitus quittaverunt quidquid juris habebant vel habere poterant tam in magna decima quam in parva de Sto Albino, videlicet blado, stramine, forragio, et in quibuscunque aliis ad magnam et ad parvam decimam pertinentibus. Concesserunt etiam et dederunt eidem ecclesiæ masuram unam sitam juxta ecclesiam de Sto Albino ad ædificandum ibidem grangiam et ad usus dictæ ecclesiæ. Felicia etiam, uxor dicti Philippi, in præsentia nostra constituta quidquid juris habebat vel habere poterat in omnibus supra dictis sive nomine dotis sive quocumque alio modo, dictæ ecclesiæ spontanea voluntate penitus quittavit. Et sciendum quod dicti Philippus, Symon frater suus, et Eufemia soror eorum et Felicia uxor Philippi de omnibus supra scriptis in manu nostra se desaisiverunt renunciantes omni juri et auxilio sibi competenti vel competituro, promittentes etiam et fide corporali in manu nostra præstita, firmantes quod de cætero in omnibus suprascriptis ratione cujusque juris per se vel per aliam personam nihil penitus reclamabunt vel reclamare facient, sed dictæ ecclesiæ de omnibus præmissis legitimam portabunt guarandiam adversus omnes qui juri et justitiæ parere noluerint. Prior autem et conventus Ecclesiæ Sti Lupi in hujus rei recompensationem Philippo militi et Feliciæ uxori suæ, Symoni fratri ejusdem Philippi et Eufemlæ sorori eorum contulerunt quatuor viginti libras parisiensis monetæ. Nos vero ad petitionem eorumdem Philippi militis, Feliciæ uxoris suæ, Simonis fratris Philippi et Eufemlæ sororis eorum priori Sti Lupi, investimus et saisimus salvo jure Episcopali et ecclesiæ Belvacensis. In cujus rei testimonium præsentes literas sigilli nostri munimine roboravimus.
Actum apud Bragellam471 .
