Carta Dni Theobaldi Ambianensis Episcopi de decima de Alliaco.

Ego Theobaldus379Dei misericordiaAmbianensis Episcopus tam presentibus quam futuris notum facio quod Petrus de Alliaco380 concedente uxore sua Agnete, concedentibus etiam filiabus suis Margarita et Matilde, Eustachio etiam de Vilaincort381, dno suo de quo ipse tenebat, Elisabeth uxore sua et Joanne, filio eorum concedentibus, concessione etiam dnæ Beatricis de Bova382, domno Roberto marito suo tunc temporis Jerosolimam profecto de quo totum feodum pendet, quidquid in decima de Alliaco habebat, vel per augmentum processu temporis ex eo ei poterit provenire, fratribus Templi in perpetuam elemosinam habendum concessit et per manum nostram reddidit, sub annuo censu sex modiorum frumenti et totidem avenæ de tali utique frumento quod de decima illa proveniet sibi et hæredibus suis persolvendo. Porro decima collecta in unum secundum antiquam consuetudinem in loco ad hoc deputato reponetur nec ad alium locum nisi de communi consensu participum transferetur, siquidem pretaxatus census in frumento et avena, jamdicto Petro et heredibus illius apud Alliacum de fructu ejusdem decimæ, quando triturabitur et participibus quæ eos portio contingit dividetur, ad mensuram de Alliaco persolvetur, sive apud domum Templi. Verum neque Eustachius pro defectu servitii a Petro vel hæredibus suis exhibendi neque dominus de Bova aliquando pro servitio suo decimam illam saisire poterunt nisi prædictos duodecim modios.

Hujus rei testes sunt : Radulphus decanus383 ; Vuillelmus præpositus ; Vuarinus ; Ingelranus archidiaconus ; Symon de Mondisderio ; Balduinus de Pas384. De militibus : Symon de Alliaco ; Bernerius de Morolio256 ; Fulco de Cheru385 ; Ibertus de Gumella386 ; Vualterius Brito ; Drogo de Vaus ; Eustachius Canis387 magister et procurator elemosinarum templi in Francia ; frater Rogerus de Mondisderio ; frater Albertus ; frater Rainaldus.

Factum anno incarnati Verbi M^o C^o LXXVIII^o. Datum per manum Roberti.