A tous ceulx qui ces presentes lettres verront frère David Chambellan, humble prieur de l'église et monastère de S. Leu Desserens... Comme a nous, a cause de nostre ditte église compecte et appartiennent une grande masure, lieu et pourprins jadis fermez de murs ou souloit avoir maison, grange, estables et autres ediffices appellés vulgairement la Tour-Saint-Leu, autrement Buccamp, séant près du chasteau et place de Chantilly, entre le dit chasteau et Quiquenpoit, ....les quelz lieux et appartenances estoient des longtemps a, demourez vacans et sans possesseurs tant au moien des guerres et divisions qui ont eu cours en ce Royaulme, mesmement le dit lieu de Chantilly, comme parce que le dit lieu de la Tour de Saint-Leu est fort prochain du dit lieu de Chantilly qui a esté tousjours occuppé par gens de guerre, pour les quels aussi pour la grant ruyne et desolacion du dit lieu et les grandes reparacions qui y estoient a faire, aucun n'a voulu demourer ne habiter en telle manière que toute la place est tumbée du tout en ruyne et inhabitée... et par ce de nul prouffit et revenu a nous et a nostre dite esglise et si sont les revenus et héritages qui y appartenoient tumbés et venus en pareil et semblable estat et les possessoient aucuns qui disoient a eulx appartenir ou préjudice et dommage de nostre dite eglise dont ne faisons aucune poursuite au moien des tiltrez brulés en nostre eglise par le feu qui fut mis par les Anglois en l'an mil cccc trente six, qui fut la totalle destruction de nostre dite eglize et que ce qui en estoit demeuré estoit si conffuz et ancien qu'il n'y avoit nul vivant qui en sceust bailler adresse ou assiette nulle, fors seulement de la dicte masure... Et il soit ainsi que pour en faire nostre prouffit, nous eussions fait publier a bailler la dite tour, pourprins, lieux et appartenances, mais aucun ne fust apparu pour en aucune chose donner tant pour la désolation du lieu comme parceque ne baillions aucune déclaration des appartenances par nous y prétendues, fors hault et puissant Seigneur Monseigneur Guillaume Baron de Montmorency »...

Ce bail est fait à charge, par le preneur et ses héritiers, de défricher la masure, place et lieu ci-dessus déclarés, et d'y faire faire maison manable et autres édifices bons et suffisants pour y faire résidence, défricher et mettre en nature les prés et terres qui en dépendent, d'exercer la justice des lieux au nom du prieuré et d'en prendre les profits, et en outre, moyennant 6 livres parisis de surcens annuel à la Saint-Remi, à la condition que le baron de Montmorency et ses successeurs pourront toujours assigner, au lieu de cette rente de 6 livres parisis, la somme de 12 livres parisis de rente sur d'autres héritages sis en leur haute justice à Saint-Leu ou dans un rayon de deux lieues.