Carta Huberti prioris Stœ Margueritœ de decima de Fresneel.

Nos frater Hubertus prior humilis Ste Margarite de Helyneurte332 ac ejusdem loci conventus notum facimus presentes litteras inspecturis quod nos tenemur viris religiosis Petro priori et conventui Sti Lupi de Ascerento et eorum successoribus in duobus modiis frumenti et totidem avene censualibus ad mensuram de Fransieres333, ratione medietatis cujusdam decime pertinentis ad priorem et conventum Sci Lupi predictos quam medietatem decime ab eisdem sub censu predicto tenemus apud Fresneel333, promittentes pro nobis et nostris successoribus bona fide predictis priori et conventui Sci Lupi et eorum successoribus reddere et solvere annis singulis prefatos duos modios frumenti et totidem avene ad mensuram predictam de annona ipsius decime non mutata. Quod si in solutione census predicti integre facienda nos aut successores nostri deficeremus quod absit ! volumus ex nunc et concedimus pro nobis et successoribus nostris quod prefata decime medietas ad prefatos priorem et conventum Sci Lupi et suos successores tanquam suum proprium necnon ipsius medietatis decime possessio plenissime et pacifice sine ulla calumpnia revertantur. Ipsique prior et conventus Sci Lupi et successores eorum possessionem eandem propria authoritate intrare valeant et habere.

In cujus rei testimonium nos prior et conventus Sce Margarite predicti sigilla nostra una cum sigillo reverendi in Christo Patris donni Yvonis541, abbatis nostri Cluniacensis quod hiis præsentibus supplicavimus apponi, duximus apponenda. Actum anno Domini M^o CC^o LX^o quarto mense marcii.