Carta Oddonis Belvacensis Episcopi de decimis de Caufri.
Charte d'Eudes, évêque de Beauvais, par laquelle il confirme le don que Gondacre de Creil, chevalier, a fait des dîmes que possédait à Cauffry son frère Eudes « assassiné ».
- B Bibl. nat. de France, Baluze 46, p. 13.
- a Cartulaire du prieuré de Saint-Leu d'Esserent (1080-1538), éd. Eugène Müller, Pontoise, 1901.
Ego OddoDei gratiaBelvacensium episcopus petitioni servorum Dei libenter vice Christi annuens ad ea quæ eis in elemosina conferuntur nostram prompte exhibeo confirmationem. Gundagrius de Credulio236 quidquid Oddo frater suus habebat in decima de Caufri eo die quo occisus est, pro ejusdem fratris sui anima suaque et suorum salute dedit monasterio Sti Lupi de Hescerento, concedentibus sororibus suis et uxore ejusdem Oddonis. Hoc donum prænominatus miles in manu nostra, ut jus erat, reddidit, testantibus atque videntibus venerabilibus viris, Galterio, abbate de Sto Simphoriano237, et magistro Helinando238 Belvacensis ecclesiæ canonico, necnon Herlangerio nepote nostro239 et quodam clerico Lancelino. Quod et nos prædicto monasterio sub jam dictis testibus concessimus et literis nostro sigillo signatis salvo jure ecclesiæ Belvacensis confirmavimus et infirmare volentes hanc elemosinam suis calumniis excommunicamus.
