François Ier à Antoine Du Bourg
. — Valence
1. Ordre d’assigner entièrement Jean de Créquy pour les 1 600 écus reçus pour lever des troupes sans tenir compte des 250 déjà dépensés pour des troupes qui ont déserté entre-temps.
- Orig. jadis scellé d’un cachet de cire rouge au verso. Arch. nat., J 965, dossier 5, n° 15, 20,1 cm x 21,3 cm, papier, 1 page.
Monsieur le Chancellier,
[1.] Mon cousin le sr de Canaples m’a adverty que de la somme de seize cens escuz que je luy ay ci devant fait bailler pour avancer aux gens de pied que je luy ay ordonné lever, il en a distribué une bonne partie à ce que plus facillement il peust faire ladite levee et haster et dilligenter lesdits gens de pied en mon service comme lors mon affaire le requeroit. Et d’autant que au moien de ladite advance qu’il a faicte, il se treuve de perdu environ deux cens cinquante escuz sur ladite somme de xvic parce que une grande partie desdits gens de pied aprés avoir receu ladite avance se sont retirez et qu’il luy en a convenu faire d’autres, à ceste cause, Monsr le Chancellier, et que je ne veulx que ladite perte tumbe sur mon mond. cousin, je vous prie luy faire bailler assignation entiere pour sesd. gens de pied sans luy deduire lad. somme de iic l escuz.
Priant Dieu, Monsr le Chancellier, qu’il vous ait en sa saincte garde.
Escript à Valence le xxiiie jour d’aoust mil vc xxxvi.
