François Ier à Antoine Du Bourg
. — Camp de Pernes
1. Ordre de dépêcher une commission pour procéder à l'évaluation des maisons à abattre pour renforcer la fortification du rempart de Péronne.
- Orig. signé et contresigné. Arch. nat., J 965, dossier 6, pièce n° 17, 19,9 cm x 27,7 cm, papier, 1 page.
Monsr le Chancellier,
[1.] Vous sçavez l'importance de ma ville de Péronne et le service que ceste annee elle a faict à moy et à tout mon royaume. Et pour ce que je desire la remettre en telle et si bonne fortiffication qu'elle puisse cy aprés demeurer en toute seureté, j'ay advisé par l'advis et deliberation de plusieurs gens de bien que je y ay envoyé pour la visiter qu'il est requis prendre tout autour de la ville par le dedans oultre le rempart jusques à trente piedz de terre tant pour la fortiffication dud. rempart que pour mectre gens en bataille. En quoy faisant, il fauldra abbatre et demolir quelque petite quantité de maisons dont j'ay bien voullu vous advertir à ce que vous faictes depescher commission à quelque bon personnaige pour faire visitation desd. maisons et regarder à la valleur et estre d'icelles, à quoy je vous prye ne faire faulte1. Et vous me ferez service en ce faisant.
Priant Dieu, Monsr le Chancellier, qu’il vous ait en sa garde.
Escript au camp de Pernes, le xxviie jour d’avril mil vc xxxvii.
