François I^er à Antoine Du Bourg

[adresse au dos] À mons^r le chancellier.

Mons^r le Chancellier,

[1.] Pour ce que je desire que le partaige de mon cousin le marquis de Rothelin luy soit fait en telle et si bonne seureté qu'il appartient, je vous prie à ceste cause, Mons^r le Chancellier, prandre cella en main, y vacquer et entendre dilligemment et de sorte qu'il en puisse avoir l'expedicion telle et si prompte qu'il appartient, vous advisant que j'entendz et desire pareillement que le don de Montereau Fault Yonne luy soit depesché en pareille seureté et que des à present il en puisse avoir la jouyssance, attendant que assiete soit faicte jouxte1 la teneur du contract de son mariage, par quoy vous regarderez à luy en faire dresser telle provision que requis sera selon mon voulloir et intencion. Et vous me ferez service en ce faisant.

Priant Dieu, Mons^r le Chancellier, qu'il vous ayt en sa garde.

Escript à Valence le ix^e jour d'aoust mil v^c xxxvi.

Françoys.

Bochetel.

[note dorsale, d’une écriture contemporaine] Le roy pour le faict du partaige de Mons^r le marquis de Rothelin.