François Ier à Antoine Du Bourg
. — Vienne
1. Paiement des cinq cents hommes de pied levés par le comte de Roussy.
- Orig. signé et contresigné. Arch. nat., J 965, dossier 5, pièce n° 1, 20,3 cm x 28,8 cm, papier, 1 page.
Monsr le Chancellier,
[1.] J’ay dernierement donné charge au conte de Roussy porteur de cestes de lever encores cinq cens hommes de pied pour parfaire sa bende jusques au nombre de deux mil, ce qu’il a faict. Et sont lesdictz cinq cens hommes tous ensemble aupres de Romans, et ne reste que à leur envoyer leur paiement, affin qu’ilz aillent faire leurs monstres à Valence où j’ay ordonné qu’elles se facent. À ceste cause, je vous prie et ordonne, Monsr le Chancellier, que incontinant la presente receue vous donnez ordre à ce que le paiement desd. cinq cens hommes soit promptement envoyé audict Valence pour l’effect dessusdict, auquel lieu se trouveront les commissaire et contrerolleur pour y faire lesd. monstres ainsi que vous dira led. sr de Roussy auquel j’ay ordonné si tost que ses gens auront receu leur paiement les mener et conduire en la plus grande diligence qu’il pourra droict en mon camp.
Priant Dieu, Monsr le Chancellier, qu’il vous ait en sa tres saincte garde.
Escript à Vyenne le iiiie d’aoust mil vc xxxvi.
