François Ier à Antoine Du Bourg
. — Vizille
1. Ordre de sceller les lettres permettant, à la requête de Louis de Laseigne, gentilhomme de la Vénerie, à Jean Selvancy, marchand de Paris, de tirer d’Arras 600 pièces de serge.
- Orig. signé. Arch. nat., J 965, dossier 6, pièce n° 51, 21,5 cm x 20,8 cm, papier, 1 page.
Monsr le Chancellier,
[1.] J'ay, à la requeste du sr de Lasseigne, gentilhomme de ma venerie, permis et octroié à Jehan Selvancy1, marchant demourant à Paris, de pouvoir tirer et enlever de la ville d'Arras d'aucuns marchans de lad. ville qui luy sont debiteurs de quelques grosses sommes de deniers jusques au nombre de six cens pieces de sarges2 que lesd. marchans luy baillent en paiement pour les amener en mon royaume affin d'en faire son prouffit selon et ainsi que avez peu veoir et entendre par les lectres patentes que je luy en ay faict expedier, lesquelles je veulx en faveur dud. Lasseigne et pour la requeste qu'il m'en a faicte avoir lieu et sortir leur effect, par quoy vous ne fauldrez de les seeller sans ce qu'il soit plus de besoing vous en escripre.
Priant Dieu, Monsr le Chancellier, qu'il vous ait en sa garde.
Escript à Vigille le xxvie jour d'octobre m vc xxxvii.
