École des chartes » ELEC » Correspondance d'Antoine Du Bourg » Année 1537 » François Ier à Antoine Du Bourg

François Ier à Antoine Du Bourg

. — Meudon

1. Transmission de lettres de Montmorency et d'Étienne Tanneguy, commissaire de l'artillerie, relatives à une fonte d'artillerie à faire à Paris. 2. Ordre du roi que la fonte ait lieu à Rouen et que Du Bourg s'enquiert des besoins en métal et en financement.

  • Orig. signé et contresigné. Arch. nat., J 965, dossier 6, pièce n° 39, 19,8 cm x 27,1 cm, papier, 1 page.
[adresse au dos] À monsr le chancellier.

Monsr le Chancellier,

[1.] Je vous envoye l'extraict d'une lettre que j'ay receue de mon cousin le grant maistre faisant mention du faict de la fonte d'artillerye que j'ay par cy devant ordonnee estre faicte en ma ville de Paris et vous envoye aussi une lettre que le commissaire de mon artillerye Tanneguy luy avoir escripte qu'il m'a renvoyee affin que vous veoyez et entendez le contenu de tout et pour autant que l'astellier de Paris est de present occuppé comme entendrez par led. Tanneguy porteur de cestes et que pour cela je ne veulx qu'il differe à besongner au faict de lad. fonte.

[2.] À ceste cause, je me suys arresté pour le mieulx qu'il aille besongner à Rouen en l'astellier dont sad. lettre faict mention, vous priant, Monsr le Chancellier, savoir et entendre de luy quel argent sera necessaire pour le faict d'icelle fonte, quel nombre et quantité de metail il a et pourra avoir tant en vielles pieces d'artillerie rompues ou esvantees, reste de la derniere fonte que aussi de ce que doyvent ceulx de ma ville de Paris et quel nombre de nouvelles pieces il pourra faire de tout cela. Et selon l'ouvraige qu'il pourra faire, vous ferez delivrer argent tant pour ses façons que pour avoir du boys d'orme pour le remontage desd. pieces. Et vous me ferez plaisir.

Priant Dieu, Monsr le Chancellier, qu'il vous ayt en sa saincte garde.

Escript à Meudon le xxe jour de juillet mil vc xxxvii.

Françoys.

Breton.

[note dorsale, d'une écriture contemporaine] Lectres du roy pour le faict de la fonte de l'artillerye.