François Ier à Antoine Du Bourg
. — Camp de La Comté
1. Ordre de sceller les lettres de provision de l'office de contrôleur général de la Gabelle et du mesurage à Ingrandes, vacant par le décès de Victor Lancelot, en faveur de Anne de Rennes, dit Michelet, premier huissier de la chambre du roi qui lui en a fait don.
- Orig. signé. Arch. nat., J 965, dossier 6, pièce n° 26, 19,6 cm x 26,9 cm, papier, 1 page.
Monsr le Chancellier,
[1.] Aiant esté adverty de la vacation de l'office de contrerolleur general de ma gabelle et mesurage establyz à Ingrande de tout le sel montant contremont la riviere de Loire et autre fleuves descendant en icelle par le trespas de feu Victor Lancelot1 et saichant qu'il est bien requis y pourveoir de quelque bon personnage et de bonne loyaulté, preudommie et experience, à ceste cause et aussi en consideration et faveur des bons et agreables services que m'a par ci devant faictz et faict encores chacun jour Anne de Rennes dict Michellet, mon premier huissier de chambre, je luy ay faict don dudict office et faict expedier ses lettres, comme verrez par icelles, lesquelles vous ne ferez aucune difficulté de luy seeller. Car c'est chose que je veulx et entends estre faicte et led. don sortir effect.
Et sur ce pointct prye Dieu, Monsr le Chancellier, qu’il vous ayt en sa saincte garde.
Escript au camp de La Conté le viie jour de may mil vc xxxvii.
