François Ier à Antoine Du Bourg
. — Camp près de Hesdin
1. Ordre d’envoyer 4 500 £ à Jean d’Estourmel pour le transport des vivres destinées à ravitailler Thérouanne, outre les 1 200 à 1 300 £ qu’il a épargné pour l’achat des grains.
- Orig. signé et contresigné, jadis scellé d'un cachet de cire rouge sous papier au verso. Arch. nat., J 965, dossier 6, pièce n° 3, 19,2 cm x 27,5 cm, papier, 1 page.
Monsr le Chancellier,
[1.] Le sieur d'Estourmel m'a adverty que pour le paiement du charroy qu'il convient faire des vivres que j'ay ordonné estre menez en ma ville de Therouenne pour l'advitaillement d'icelle et dont led. d'Estourmel a la charge, il convient luy envoier quatre mil cinq cens livres, oultre les douze ou treize cens livres qu'il a espargnez sur l'achapt des grains, ainsi qu'il vous a faict entendre par homme expres. Et d'autant que je desire sur tout led. advitaillement estre faict le plus promptement qu'il sera possible pour estre chose de l'importance et consequence que vous povez panser et estimer, à ceste cause je vous prye, Monsr le Chancellier, que incontinant vous donnez ordre de faire tenir a icelluy d'Estourmel lad. somme de iiiim vc £. ou autre somme que verrez estre necessaire et requise affin que par faulte d'argent icelluy advitaillement ne puisse estre retardé ne differé. Et vous me ferez service tres agreable.
Priant Dieu, Monsr le Chancellier qu'il vous aict en sa garde.
Escript au camp pres Hedyn le xxviime jour de mars mil vc xxxvi avant Pasques.
