François Ier à Antoine Du Bourg
. — Fontainebleau
1. Ordre de recevoir, pour les affaires urgentes du roi, l'argent que lui remettra avec les documents afférents Guillaume Du Bellay, provenant de dons du roi qu'il est parvenu à se faire régler.
- Orig. signé et contresigné. Arch. nat., J 965, dossier 6, pièce n° 29, 19,4 cm x 27,7 cm, papier, 1 page.
Monsr le Chancelier,
[1.] Le seigneur de Langey m'a faict entendre que, de plusieurs dons que je luy ay par ci devant faictz, il a faict si bonne poursuicte que les choses en sont quasy venues du tout a lumiere, tellement que dedans peu de jours s'en pourra tyrer une bonne grosse somme de denyers et dedans quelque temps aprés une autre meilleure, lesquelz dons il m'a remys en mes mains et s'en est desisté affin que de ce qui en proviendra je m'en puisse aider et subvenyr a mes urgens et pressez affaires. À ceste cause vous entendrez de luy les moiens de tirer le prouffict desd. choses et prandrez les pieces, instructions et memoires qu'il vous en baillera, dont vous aurez souvenance à ce que, s'il en sort quelque bien, je puisse donner ordre par cy aprés de l'en recompenser ainsi que la raison le veult.
Priant Dieu, Monsr le Chancelier, qui vous aict en sa saincte garde.
Escript à Fontainebleau le premier jour de juillet mil vc xxxvii.
