François Ier à Antoine Du Bourg
. — Roussillon
1. Lettre pour faire remettre 50 écus au capitaine Gaudichon, de Lucques, qu’il envoie avec une troupe au grand maître, Montmorency.
- Orig. signé et contresigné, Arch. nat., J 965, dossier 5, pièce n° 3, 20,6 cm x 25,6 cm, papier, 1 page.
Monsr le Chancelier,
[1.] Pour ce que j’ay advisé d’envoyer le cappitaine Anthoine Gaudichon1, de Lucques, porteur de cestes, avecques quelque nombre de gens de pyé ytalyens qu’il a de ceste heure à Lyon devers mon cousin le grant maistre, lequel luy ordonnera aprés ce qu’il aura à faire, à ceste cause, affin qu’il ayt plus de moyen de mener et conduire sesd. gens, je veulx et entends que incontinant la presente receue, vous luy faciez fournir par le tresorier de mon Espargne la somme de cinquante escuz, de laquelle je luy ay fait don. Et aprés il en sera expedié l’acquict tel qu’il sera necessaire en vertu de la presente que j’ay pour ce signée de ma main.
Priant Dieu, Monsr le Chancelier, qu’il vous ayt en sa tres saincte et digne garde.
Escript à Roussillon le vme jour d’aoust mil vc xxxvi.
