François Ier à Antoine Du Bourg
. — Meudon
1. Ordre de payer à Robert Stuart, maréchal d’Aubigny, qui rejoint le dauphine Henri en Picardie, une partie des sommes dues sur sa pension.
- Orig. signé et contresigné. Arch. nat., J 965, dossier 6, pièce n° 43, 19,6 cm x 25,8 cm, papier, 1 page.
Monsr le Chancellier,
[1.] Pour ce que j'envoye presentement mon cousin le marechal d'Aubigny devers mon filz en Picardie pour là s'essayer à me faire service, ce que je suys tout certain qu'il sçaura tres bien et saigement faire, estant tout asseuré qu'il sera contrainct de faire de la despence, à ceste cause je vous prye, Monsr le Chancellier, luy faire bailler et delivrer sur ce qui luy est deu à cause de sa pension, telle somme de deniers que vous adviserez pour le mieulx, à ce qu'il puisse faire promptement le voyaige dessud.. Et vous me ferez plaisir.
Priant Dieu, Monsr le Chancellier, qu'il vous ayt en sa saincte et digne garde.
Escript à Meudon le xxiiiie jour de juillet mil vc xxxvii.
