François Ier à Antoine Du Bourg
. — Meudon
1. Ordre de parler au cardinal Louis de Bourbon pour régler positivement l'affaire d'Emanuele Ricci, porteur de la présente, dont le sauf-conduit royal n'a pas été respecté et à qui on a pris des sommes indues.
- Orig. signé et contresigné. Arch. nat., J 965, dossier 6, pièce n° 35, 19,7 cm x 27 cm, papier, 1 page.
Monsr le Chancellier,
[1.] Vous sçavez le propoz que je vous ay par cy devant tenu touchant l’affaire de Emanuel Riccio, porteur de cestes. Et pour ce que j’ay entendu qu’il n’est point encores depesché et que je veulx en toutes façons que tout ce qui luy a esté par cy devant prins et osté et pareillement ce qu’on luy a faict payer, contre le sauf conduict qu’il avoit de moy1, luy soit entierement rendu et restitué. À ceste cause, je vous prye et ordonne parler de cest affaire à mon cousin le cardinal de Bourbon, affin qu’il donne promptement ordre que mon vouloir et intencion soyt en cest endroict de poinct en poinct ensuivy, car j’ay trouvé et trouve merveilleusement estrange que, contre mond. sauf conduict et parolle, l’on ay faict ung tel tour aud. Riccio, vous pryant encores une foiz me faire entendre ce qui aura esté faict en ce que je vous escriptz. Et vous me ferez plaisir.
Priant Dieu, Monsr le Chancellier, qu’il vous ayt en sa sainte garde.
Escript à Meudon le xvime jour de juillet mil vc xxxvii.
