François Ier à Antoine Du Bourg
. — Château-Thierry
1. Ordre de remettre à Galeotto Pico de Mirandola, qui retourne en Italie, 2 000 £ qui lui sont dues et 3 000 £ de don du roi pour le récompenser des pertes rencontrées durant la guerre.
- Orig. signé. Arch. nat., J 965, dossier 6, pièce n° 28, 20 cm x 29,2 cm, papier, 1 page.
Monsr le Chancellier,
[1.] Pour ce que j'ay depesché le conte de La Myrandolle pour s'en retourner chez luy et qu'il ne reste plus que à luy faire bailler argent, à ceste cause je vous prie et ordonne que incontinant vous luy faciez bailler et delivrer comptant, sans le remectre à Venise, pour ce qu'il a necessairement affaire d'argent icy, la partie qui luy est deue de reste, montant deux mil livres dix solz, et oultre cela, la somme de troys mil livres dont je luy ay faict don pour aucunement le recompenser des fraiz et dommaiges qu'il a soustenuz et supportez par cy devant au moyen de la guerre. Et aprés l'on en expediera l'acquict en vertu de la presente que j'ay pour ce signee de ma main pour servir à la reddition des comptes de celluy de mes officiers comptables que besoing sera. Et en ce faisant vous me ferez service tres agreable, vous priant ne voulloir fere faulte à ce que dessus affin que ledict conte ne puisse aucunement retarder son partement.
Priant Dieu, Monsr le Chancellier, qu'il vous ait en sa saincte et digne garde.
Escript à Chasteauthierry1 le xxixe jour de may mil cinq cent trente sept.
