François Ierà Antoine Du Bourg
. — Briançon
1. Ordre de sceller les lettres de survivance des offices de général de Blois et de secrétaire du roi faite demandée par Jean Breton pour son fils Claude, avec don du tiers à Jean Breton.
- Orig. signé et contresigné. Arch. nat., J 965, dossier 6, pièce n° 53, 20 cm x 28,2 cm, papier, 1 page.
Monsr le Chancellier,
[1.] En faveur, consideracion et recongnoissance des bons et très recommandables services que le sr de Villandry m'a dès longtemps faictz comme il fait encores ordinairement par chacun jour ainsi que sçavez et entendez très bien, j'ay accordé la resignation qu'il fait à son filz2 de ses offices de general de Bloys et de secretaire au nombre des bourses soubz les condicions de survivance et autres que plus amplement verrez par les deux lectres de provision qui en ont esté dressees, lesquelles je vous prye et ordonne, Monsr le Chancellier, ne faire aucune difficulté de seeller et expedier. Car je veulx que ainsi se face, sans ce que led. sr de Villandry soyt tenu payer aucune chose pour le tiers desd. survivances, duquel tiers je luy ay faict don.
Pryant Dieu, Monsr le Chancellier, qu'il vous ait en sa saincte et digne garde.
Escript à Briançon le cinquiesme jour de novembre mil vc xxxvii.
