François Ier à Antoine Du Bourg et François de Tournon
. — Carignano
1. Plainte de l’ambassadeur de Portugal sur les prises faites par des Bretons et des Normands de navires et de biens portugais qui camouflent ces prises en jetant les marins en mer. 2. Ordre de voir avec l’ambassadeur de Portugal comment faire cesser ces traitements inhumains.
- Orig. signé et contresigné. Arch. nat., J 965, dossier 6, pièce n° 58, 21,7 cm x 31,6 cm, papier, 1 page.
Messrs,
[1.] L'ambassadeur du roy de Portugal m'a faict entendre que journellement plusieurs de mes subgectz de Normendye et Bretaigne prennent et admenent navires et biens des Portugaiz esd. pays, esquelz navires ne se treuvent à leur arrivee aucuns maistres ne gens estans de la prinse ne semblablement les chartes parties ainsi qu'il est requis par les enciennes ordonnances. Mais affin que leursd. prinses et depredations soient ocultes et ne viennent en lumiere en justice et que aucun n'en puisse demander restitution, ilz tuent et gectent en mer tous ceulx qui se treuvent dedans icell. navires, qui est chose par trop inhumaine et que je ne vouldroix pour riens passer soubz dissimulation sans estre corrigee et reprimeee pour le devoir de l'amytié, confederation et alliance d'entre led. roy de Portugal et moy.
[2.] À ceste cause je vous ay bien voulu escripre la presente, vous priant que incontinant vous advisez et regardez de bailler et delivrer en ces endroict aud. ambassadeur toutes les provisions requises et necessaires pour faire cesser lesd. inhumanitez, de sorte que par cy aprés il ne m'en vienne plus aucune plaincte. Et vous me ferez service très agréable.
Priant Dieu, Messrs, qu'il vous ayt en sa saincte garde.
Escript à Carignan le xixme jour de novembre mil vc xxxvii.
