François Ier à Antoine Du Bourg
. — Valence
1. Règlement de l'affaire retenant Octavien Grimaldi à Lyon pour qu’il puisse rejoindre Anne de Montmorency.
- Orig. Arch. nat., J 965, dossier 5, pièce n° 8, 20,5 cm x 27 cm, papier, 1 page.
Monsr le Chancellier,
[1.] Pour ce que je veulx et entends emploier le president Grimaldi en mon service aupres de mon cousin le grant maistre, saichant qu'il est personnaige qui luy sera propre en beaucoup d'endroictz, à ceste cause je vous prye et ordonne que incontinant vous luy faictes administrer la plus prompte et sommaire expedicion de justice qu'il sera possible en l'affere qui le detient en ma ville de Lyon, affin que tout aussi tost qu'il sera depesché, il se rende devers led. grant maistre. Et vous me ferez tres agreable plaisir et service, mais sur tout n'y faictes faulte.
Pryant Dieu, Monsr le Chancellier qu'il vous ait en sa saincte garde.
Escript à Valence le dixieme jour de aoust mil vc xxxvi.
