François I^er à Antoine Du Bourg

[adresse au dos] À mons^r le chancellier.

Mons^r le Chancellier,

[1.] Pour ce que je desire bien et favorablement traicter le s^r de Glic en faveur des services qu’il m’a cy devant faiz et fait ordinairement, je luy ay accordé douze cens livres tournoy de pension par chascun an. À ceste cause, je vous prie, Mons^r le Chancellier, donner ordre de l’en faire assigner sur telz deniers de mes finances ordinaires ou extraordinaires que adviserez, afin qu’il en puisse estre paié cy aprèés du jour que je la luy ay accordee. Et vous me ferez service tres agreable en ce faisant.

Priant Dieu, Mons^r le Chancellier, qu’il vous ait en sa saincte garde.

Escript à Valence le xxviii^e jour d’aoust mil v^c xxxvi.

Françoys.

Bochetel.

[note dorsale, d’une écriture contemporaine] Le roy pour le faict de la pension du s^r de Glic.