François Ier à Antoine Du Bourg
. — Valence
1. Ordre d'envoyer des lettres de contrainte à Charles Chabot pour forcer les habitants de La Rochelle à payer 8 000 l. promises pour la réparation de la ville de Bayonne. 2. Refus de l'envoi du docteur de Dorna à Vienne.
- Orig. jadis scellé d'un cachet de cire rouge au verso. Arch. nat., J 965, dossier n°5, pièce n° 22, 20,8 cm x 28,2 cm, papier, 1 page.
Monsr le Chancelier,
[1.] J'ay esté adverty que ceulx de La Rochelle que devoient fournyr les huict mil livres pour le faict des repparations de ma ville de Bayonne n'ont encores satisfaict ne fourny lad. partie, au moien de quoy lesd. reparations sont retardees. À ceste cause, je veulx et vous ordonne que incontinant la presente receue vous aiez a envoyer au sr de Jarnac commission et lectres de contrainte pour en vertu d'icelles contraindre les condempnez a paier promptement lad. somme, vous priant ne faire faulte à ce que dessus et vous me ferez plaisir.
[2.] Au demourant, je vous advertiz que, quant au docteur de Dorna1 que vous avez nommé pour aller à Vyenne, il n'y a ordre qu'il puisse faire ce voyaige, d'autant qu'il est mal disposé de sa personne2. Par quoy vous aviserez d'en pourveoir d'ung autre s'il est besoing.
Pryant Dieu, Monsr le Chancellier, qu'il vous ait en sa saincte garde.
Escript à Valence le iiime jour de septembre mil vc xxxvi.
