« Alexander episcopus, servus servorum Dei, venerabili fratri Roberto, Carnotensium episcopo, ejusque successoribus canonice substituendis in perpetuum. Et ordo rationis expostulat, et ecclesiastice utilitatis consideratio nos invitat fratres et coepiscopos nostros ampliori caritate diligere, et commissas eorum gubernationi ecclesias patrocinio sedis apostolice propensius communire, quatinus in suscepti executione officii tanto vigilantiores possint semper existere, quanto se a pravorum incursibus securiores viderint permanere. Eapropter, venerabilis in Christo frater, Roberte episcope, tuis justis postulationibus benigno concurrentes assensu, ad exemplar felicis recordationis Adriani pape1 predecessoris nostri, Carnotensem ecclesiam, cui auctore Deo presidere dinosceris, sub beati Petri et nostra protectione suscipimus, et presentis scripti privilegio communimus, statuentes ut quascumque possessiones, quecumque bona in presentiarum juste et canonice possides, aut in futurum, concessione pontificum, largitione regum vel principum, oblatione fidelium, seu aliis justis modis, Deo propicio, poteris adipisci, firma tibi tuisque successoribus et illibata permaneant. In quibus hec propriis duximus exprimenda vocabulis : abbatiam Sancti-Andree, theloneum2, census et alias possessiones ac redditus, quos habes in civitate Carnotensi cum immunitate sua ; item Fraxinetum, Basoche, Bercherie, Chambleium, Ermenodivillam, Pontem-Goeni, Balneolum, Mondonvillam, Tertre-Goderani, Spinterie, Theclin, Boscum-Sancti-Martini, Mungerdivillam, Busseium, Vallem-Garengis, Galdum-Sancti-Stephani, Loun, Pontem-Ebrardi, cum omnibus illarum villarum pertinentiis, casamenta etiam et feoda, et omnia alia que ad jus et mensam Carnotensis ecclesie pertinent. Decernimus ergo ut nulli omnino hominum liceat prefatam ecclesiam temere perturbare, vel predictam abbatiam, et reliquas possessiones a mensa episcopi quocumque modo alienare, seu in personatum concedere, auferre, vel ablatas retinere, minuere, seu quibuslibet vexationibus fatigare, sed omnia illibata et integra conserventur eorum pro quorum gubernatione et sustentatione concessa sunt, usibus omnimodis profutura, salva nimirum apostolice sedis auctoritate. Si qua igitur in futurum, etc. ....... Datum per manum Normanni, sancte Romane ecclesie subdiaconi et notarii, viii kalendas octobris, indictione ii, incarnationis Dominice anno MºCºLXºIIº, pontificatus vero domni Alexandri pape iii anno iv. Subscripserunt : Alexander, catholice ecclesie episcopus ; Hubaldus, Hostiensis episcopus3 ; Bernardus, Portuensis et Sancte-Rufine episcopus4 ; Galterus, Albanensis episcopus5 ; Hubaldus, presbiter cardinalis tituli Sancte-Crucis-in-Jerusalem6 ; Henricus, presbiter cardinalis tituli Sanctorum Nerei et Achillei7 ; Albertus, presbiter cardinalis tituli Sancti-Laurentii-in-Lucina8 ; Guillelmus, presbiter cardinalis tituli Sancti-Petri-ad-Vincula9 ; Jacintus, diaconus cardinalis Sancte-Marie-in-Cosmedin10 ; Odo, diaconus cardinalis Sancti-Nicolai-in-Carcere-Tuliano11 ; Ardicio, diaconus cardinalis Sancti-Theodori12 ; Boso, diaconus cardinalis Sanctorum Cosme et Damiani13 ; Chintius, diaconus cardinalis Sancti-Adriani14 ; Johannes, diaconus cardinalis Sancte-Marie-in-Porticu15. »