École des chartes » ELEC » Cartulaires d'Île-de-France » Notre-Dame de Chartres » Tome deuxième » 1202, juillet

« Willelmi de Memmilon, de uno modio annone in territorio Sancti-Georgii, pro presbiteris de oratoriis Beate-Marie. »

  • A Original en parchemin. Arch. dép. Eure-et-Loir, G 1330 (ancienne cote : fonds du Chapitre, carton LIII, A, 1).
  • B Cart. capellarum, fol. 41 r°.
  • a Cartulaire de Notre-Dame de Chartres, éd. Eugène de Lépinois et Lucien Merlet, Chartres, 1862.
D'après a.

« Ego Guillelmus de Mesmilon, universis, presentibus pariter et futuris, hujus rei noticiam casu quolibet habituris, notum facio Herveum de Nungento-super-Auduram, pro amore Dei et anime sue remedio, dedisse et in perpetuum in elemosinam concessisse presbyteris de oratoriis ecclesie Beate-Marie Carnotensis unum modium annone, videlicet VIIIº sextaria hibernagii et IIII sextaria avene, in decima quadam quam idem Herveus in territorio Sancti-Georgii et Andrevillaris, jure patrimonii, possidebat annuatim possidendum. Dictus autem Herveus et quicumque ipsius successores extiterint, vel etiam illi qui ab eisdem prefatam decimam ad modiationem receperint, supranominatis presbiteris, singulis annis, in festo beati Petriad-Vincula, fidelitatem facient quod de dicta decima nichil penitus expendetur donec de eadem pretaxatum annone modium solutum fuerit, neque permittent annonam decime, ubicumque trahatur decima, in aliquo pejorari. Preterea Herveus et ipsius successores sepenominatum annone modium ad urbem Carnotum annuatim, cum propria expensa, ducere tenebuntur, ad mandatum presbiterorum, ibidem reponendum et cum mina in foro Carnotensi currente mensurandum. Hoc autem concesserunt et per fidei interpositionem tenere fideliter et garandire firmaverunt : Robertus et Gervasius, fratres Hervei, Philippa, uxor Roberti ; heredes ipsorum : Garinus, Nicholaus, Legardis, Maria, Gileta, Sibilla, Philippa, Martha. Ego vero ne idem factum aliquatenus a posteris irritetur aut ex processu temporis oblivioni tradatur, ad majorem ipsius facti confirmationem et memoriam, presentem paginam, ad petitionem predicti Roberti, qui supranominatam decimam de me feodaliter tenet, notari feci et sigilli mei caractere roborari. Testibus hiis quorum nomina subscripta sunt Guillelmo de Valeia, Gervasio, Raginaldo1, canonicis Carnotensibus ; Adam de Sancto-Aniano, Gisleberto Monos, Michaele de Basenvilla, presbiteris ; Roberto de Bello-Loco, Stephano Foale, Carauno de Porta-Morardi, clericis ; Hugone de Loevilla, milite ; Gilone de Baldimunt et pluribus aliis. Actum Carnoti, in ecclesia Beate-Marie virginis, . »


1 Gervais et Renaud la Reine, Regine, frères, figurent souvent comme témoins dans les chartes de cette époque.