École des chartes » ELEC » Cartulaires d'Île-de-France » Notre-Dame de Chartres » Tome premier » 1197, janvier

De concordia super hominibus de « Desconfectura. »

  • B Bibl. nat. de France, carton 43: Livre noir, fol. 16 v°.
  • a Cartulaire de Notre-Dame de Chartres, éd. Eugène de Lépinois et Lucien Merlet, Chartres, 1862.
D'après a.

« Ego Nevelo de Mellaio1 notum facio universis me cum Capitulo Carnotensi, super dampnis et injuriis hominibus de Disconfectura illatis, transegisse in hunc modum. Concessi hominibus de Disconfectura herbagium de Gratelou et de Corbigneio im perpetuum habendum, omnibus pecudibus ad eosdem homines pertinentibus, exceptis ovibus depascendis et porcis sine ferro, et filicèm cum fascicula sine falce, et baculum pastoris de omni arbore, excepta quercu, et filicem cum herba simul crescente collo et quadriga deportandam, et harciam de omni arbore, excepta quercu, ad filicem simul cum herba crescente ligandam, et canem in vinculo. Si bestie cum custode inveniantur in sua defensione, a pastore quatuor tantum solidos exigetur pro emenda. Si contentio exinde oriatur, secundum usum et consuetudinem patrie terminetur. Si evadit sine custode bestia, nulla inde sequitur emenda. Si ad tallionem vendidero nemus de Gratelou vel de Corbigneio, ab illa parte cesa tribus annis et dimidio abstinebunt. Preterea concessi predictis hominibus prata defuncti Reginaldi prepositi et caudam stagni ad communem pasturam, stagnum reparandum sine contradictione, ita quod in eo piscari non potero nisi consensu clericorum vel prepositi. Hoc concedere faciam uxori mee et filiis et filiabus et fratribus meis et forestariis, Odoni de Basochia et Petro Godini et uxori ejus. Et si Petrus Godin, antequam concesserit, dampnum predictis hominibus intulerit pro hac causa, illud restituam. De hoc dabo eis litteras episcopi Carnotensis et litteras Regis Francie, vel x libras carnotensis monete. Et si, de voluntate Regis Francie, redirem ad dominium regis Anglie2, infra xl dies reditus dabo eis litteras ejusdem, vel x libras carnotensis monete. Juravi etiam in capitulo Carnotensi publice, tactis sacrosanctis reliquiis, hec omnia me fideliter observaturum. Quod ut ratum et stabile habeatur in posterum, confirmavi et sigilli mei appositione presentem paginam communivi. Actum . »


1 Voir ci-dessus nº LI. Nous donnerons, dans l'Introduction de cet ouvrage, un tableau généalogique des Vidames de Chartres, parmi lesquels figurent les membres de la famille de Meslay.
2 Nous avons déjà dit, d'après Bordas, que les seigneurs de Meslay-Freteval se trouvaient, par le fait des guerres et de leur propre inclination, dans la dépendance féodale du roi d'Angleterre.