École des chartes » ELEC » Cartulaires d'Île-de-France » Notre-Dame de Chartres » Tome deuxième » 1212, juillet

« Quitatio viarie de Chanscru facta a dominis de Malle. »

  • A Original en parchemin. Arch. dép. Eure-et-Loir, G 1090 (ancienne cote : fonds du Chapitre, carton XXXII bis, A, 1).
  • B Bibl. nat. de France, carton 28: Livre des Privilèges, p. 129; et carton 28 bis, fol. 59 r°.
  • a A. Duchesne, Histoire de la maison de Montmorency, pr., 397.
  • b L. Delisle, Catalogue des Actes de Philippe-Auguste, n° 1389.
  • c Cartulaire de Notre-Dame de Chartres, éd. Eugène de Lépinois et Lucien Merlet, Chartres, 1862.
D'après c.

« Nos duo fratres, videlicet Burchardus, dominus Malliaci1, et Maheus de Malliaco, et uxores nostre Matildis et Mabilia, per presentes litteras notum fieri volumus universis quod, cum inter nos fratres et uxores nostras sorores, ex una parte, et Capitulum Beate-Marie Carnotensis, ex altera, contentio haberetur super jure viarie quod in terra dicti Capituli nos duo dicebamus, ex parte predictarum Matildis et Mabilie uxorum nostrarum2, habere, asserente Capitulo quod defunctus Hugo, quondam dominus Galardonis, antecessor uxorum nostrarum, eidem Capitulo remiserat penitus et quitaverat in perpetuum totum jus illius viarie, sub firma quindecim librarum carnotensium, sibi et heredibus suis post eum, annuatim, certis ac statutis terminis, solvendarum : cujus firme medietas cum ad nos duos per uxores nostras ab eodem Hugone derivata esset, sicut Capitulum asserebat, nichil amplius poteramus nobis, in terra Capituli, pro eadem viaria vendicare, tandem, mediante domino Philippo rege, in hanc formam pacis convenimus quod quitationem perpetuam dicte viarie, quam sibi factam a jam dicto Hugone, antecessore uxorum nostrarum, memoratum Capitulum asserebat, nos et uxores nostre ratam habuimus, et concessimus absolute, ex parte nostra, quicquid predictus Hugo de predicta quitatione fecerit aut non fecerit eidem Capitulo Carnotensi, nos ipsi et uxores nostre concessimus et quitavimus viariam illam, in perpetuum ipsi Capitulo remansuram, in tota ipsius Capituli terra nichil prorsus viarie retinentes. Ego etiam Bucardus et Matildis, uxor mea, procuravimus quod Theobaldus, Petrus, Maheus et Buchardus, filii nostri, predicte concessioni nostre et quitationi suum expresse prebuerunt assensum et viariam illam totam similiter quitaverunt Capitulo Carnotensi. Et ut hec etiam quitatio nostra firmior haberetur, super ea fideliter observanda plegium assignavimus ipsi Capitulo dominum Philippum, regem, et heredes suos. Domino etiam regi Philippo et heredibus suis in contraplegium concessimus et obligavimus quicquid de feodo suo tunc temporis tenebamus. Qui ad peticionem nostram ipsi Capitulo premissam quitationem nostram se garandaturum promisit et manucepit, heredes suos statuens obligatos haberi dicto Capitulo super eadem garendia prestanda. Actum Meleduni, in palatio domini regis Philippi, coram ipso, 3. »

1 Bouchard de Montmorency-Marly, l'un des principaux lieutenants de Simon de Montfort, s'était distingué au combat de Saint-Martin-lès-Bordes, contre les troupes du comte Raymond de Toulouse (1211).
2 Cette phrase prouve que la moitié de la ferme de 15 livres provenait à Bouchard et à Mathieu, non comme le disent les Mémoires de la Société archéologique d'Eure-et-Loir, vol. II, p. 295, note 1er, du chef de leur mère Mathilde de Garlande, veuve en premières noces de Hugues de Gallardon, et femme en secondes noces de Bouchard Ier de Montmorency-Marly, leur père, mais du chef de leurs femmes Mathilde et Mabile de Châteaufort, héritières pour moitié de Hugues. — L'auteur de l'article cité par nous fait de Hervé III, cohéritier de Mathilde et Mabile, un fils de Hugues de Gallardon ; mais dans une charte de confirmation de 1213, Hervé, en rappelant les donations de Hugues, son prédécesseur, ne l'appelle nullement son père, de sorte qu'il est fort légitime de suspecter cette descendance.
3 A la même date, Mathilde et Mabile de Châteaufort confirmèrent la cession de leurs maris. En même temps, Philippe-Auguste, par des lettres-patentes datées de Melun, la trente-troisième année de son règne, accepta la garantie de cet abandon ; cette dernière pièce est ainsi souscrite : Dapifero nullo. Signum Guidonis buticularii. Signum Bartholomei camerarii. Signum Droconis constabularii. Data vacante (monogr.) cancellaria. Enfin, au mois de mars 1213, Hervé, seigneur de Gallardon, Alix, sa femme, et Waleran, son frère, confirmèrent également la cession de Bouchard et de Mathieu de Marly, et abandonnèrent en même temps au Chapitre de Chartres la moitié de la voirie de Champseru, qui leur appartenait du chef de Hugues, leur prédécesseur ; cet acte fait du consentement d'Adam, Hervé, Waleran, Robert, Philippe, Jean, Marguerite, Idoine et Alix, enfants du seigneur Hervé. (Original en parchemin. Arch. dep. d'Eure-et-Loir, C. XXXII bis, A, 1. — Bibl. Imp., cart. 28, p. 130 et 132, et cart. 28 bis, fº 60 rº et vº.)