« De decima Piativillaris. »
- A Original en parchemin. Arch. dép. Eure-et-Loir, G 1459 (ancienne cote : fonds du Chapitre, carton LXVII, B, 4).
- B Bibl. nat. de France, carton 28: Livre des Privilèges de l'église de Chartres, p. 113; et carton 28 bis, fol. 52 et 58 r°.
- a Cartulaire de Notre-Dame de Chartres, éd. Eugène de Lépinois et Lucien Merlet, Chartres, 1862.
« Hugo1, decanus, et universitas Capituli Carnotensis, omnibus ad quos littere iste pervenerint, in Domino salutem. Notum fieri volumus universis, tam presentibus quam futuris, quod Amarricus de Levesvilla2, miles, et Aales, uxor ejus, quartam partem majoris decime de Piativillari quam idem Amarricus tenebat a prefato decano in feodum, eidem decano, in presentia nostra, dederunt et concesserunt, ita quod ipsi decano licitum esset de cetero de predicta decima qualemcumque vellet dispositionem facere. In cujus donationis recompensationem, idem decanus lxª libras carnotensis monete supradictis Amarrico et uxori sue caritative contulit. Verum memoratus decanus hujus decime duas partes nobis largitus est, pro anniversario suo faciendo ; terciam vero partem, de communi assensu omnium nostrum, monachis Sancte-Marie de Josaphat in elemosinam dedit, pro anniversario suo similiter faciendo. Ceterum supradicti Amarricus et uxor ejus tam donationem suam quam ipsius decani dispositionem ratam permanere volentes, ad altare sacrosancte Virginis accesserunt, et, per oblationem unius cultelli super idem altare positi, donationem quam prius in capitulo fecerant confirmaverunt, multis ad hoc videndum et audiendum convocatis, prestito etiam super idem sacrosanctum altare sacramento quod donationem istam quamdiu viverent garandirent et nunquam de cetero, per se vel per alios, immutare aut irritare presumerent. Hoc idem concessit et, fide interposita, se firmiter observaturum promisit Ebrardus, primogenitus eorum filius, et quatuor ejusdem Ebrardi sorores : Ysabelis, scilicet, Petronilla, Philippa et Margarita. Hoc idem concessit Germundus, concanonicus noster, sepedicti A[marrici] militis frater, et quatuor ejusdem G[ermundi] sorores : Ysabelis, Aelina, Eustachia et Beatrix. Hujus quoque rei testes et fidejussores, etiam fide interposita, sunt milites isti : Raginaldus Cholet, Robertus de Carnoto, Hugo de Fai. Dedit preterea sepedictus A[marricus], miles, in contraplegium, reliquam partem decime quam tenet a decano in feodum, ita tamen quod Germundo, fratri ejusdem A[marrici] militis, nihilominus liceat partem illam decime quam modo tenet, libere et pacifice, cum omni integritate fructuum, possidere. Actum in capitulo, . Quod ut ratum permaneat et inviolabiliter observetur, presentem paginam sigilli Beate-Marie fecimus impressione muniri. »
