« De compositione inter Capitulum et Comitissam super pluribus querelis. »
- B Bibl. nat. de France, carton 28: Livre des Privilèges de l'église de Chartres bis, fol. 21 r°.
- C Copie sur papier. Arch. dép. Eure-et-Loir, fonds Roux.
- a L. Delisle, Catalogue des Actes de Philippe-Auguste, 234, 1020.
- b Cartulaire de Notre-Dame de Chartres, éd. Eugène de Lépinois et Lucien Merlet, Chartres, 1862.
« Philippus, Dei gracia, Francorum rex, amicis et fidelibus suis Decano et Capitulo Carnotensi, salutem et dilectionem. Venientes ad nos nuncii vestri, ecclesie vestre negocium deferentes, post varias rationes, tam ab ipsis quam Comitissa Blesensi1, super causas quas adversus eam habebatis propositas, tandem, de utriusque partis assensu, super variis querelis quas ad invicem habebatis, compositio et pacis reformatio coram nobis facta est in hunc modum : Prepositus Comitisse emendabit nobis hoc quod ipse noluit mulierem reddere, vel recredere, vel sufficientem rationem ostendere quare eam cepisset, et, si tale quid de cetero contingeret, forisfactum hinc inde monstraretur ubi deberet monstrari, et vos facietis ipsam mulierem tradi preposito Comitisse, et ille reddet eam vobis cum rebus suis ablatis vel equivalens. Item vos poteritis capere homines vestros de corpore per totam terram Comitisse, et ipsa similiter suos per totam terram vestram. Item, de contentione illa de homine cui auricula fuit abscisa, compromissum est hinc inde in eo quod Petrus de Vilebeton, et Willelmus Menerii, et Symon de Berou2, concanonicus vester, legitime per sua sacramenta inquisierint, scilicet cujus est magna justicia de Tievilla ubi captus fuit homo ille, et quod ipsi tres arbitri, vel eorum duo, per sua sacramenta fuerint arbitrati tenebitur ab utraque parte3. Si vero alter dictorum militum moreretur antequam esset eorum arbitrium promulgatum, nos alium loco illius legitimum arbitrum poneremus, et vos similiter unum alium de canonicis vestris, si predictum Symonem mori contingeret, poneretis. Dictum vero eorum promulgabitur , et si Comitissa vel vos ab hac compositione resilieritis, nos aliud dictum teneri faciemus. De Michaele Medi ita est ordinatum : Comitissa reddet eum vobis, salvo jure vestro et salvo jure suo et heredum suorum. Hec autem omnia, sicut supra dicta sunt, tam ipsi nuntii vestri quam etiam Comitisse, coram baronibus nobis astantibus, tenenda bona fide et sine malo ingenio promiserunt, nos hinc inde requirentes ut predictorum arbitrorum dictum faceremus teneri. Actum Parisius, . »
