École des chartes » ELEC » Cartulaires d'Île-de-France » Port-Royal » Cartulaire » Bouchard de Marly confirme les dons de son père et de sa mère.

Bouchard de Marly confirme les dons de son père et de sa mère.

  • B Bibl. nat. de France, lat. 10997, nº 57
  • C Copie. Arch. nat., K 181, nº 201, et S L 522. Dossier L.
  • a Cartulaire de l'abbaye de Porrois au diocèse de Paris, plus connue sous son nom mystique Port-Royal, éd. Adolphe de Dion, Paris, 1903.
D'après a.

Ego Buchardus, dominus Marliaci, omnibus notum fieri volo quod concedo domui Porregii et habitantibus in ea, elemosinam quindecim librarum quas dedit dominus Matheus, pater meus, in redditu centum librarum quas reddebat ei annuatim communia de Mellento, Ita videlicet quod reddentur domui illi, per manus communie centum solidi parisiensium, et centum et quinquaginta et prima die jurii quinquaginta. Concedo etiam loco predicto et ratam habui illam elemosinam decem modiorum bladi quam dedit mater mea domui prenominate capiendarum in molendinis qui vulgo dicuntur Richeborg et Herchenout, ita videlicet quod persone predicti loci nullum mittent expensam in molendinis, et si casu contigerit quod illi molendini non sufficient ad solutionem prefati redditus, molendini de Nuysement qui sunt in Abdura1 supplebant defectum. Concedo insuper viginti solidos annui redditus recipiendos per manum firmam tenentis, , quos dederunt pater meus et mater mea canonicis de Phalesia in molendino et furno qui sunt Parisius de maritagio matris mee, quos Simon, miles de Hestoutvilla a predictis canonicis comparavit et loco prefato in elemosinam contulit. Hoc totum concesserunt fratres mei Matheus et Guillelmus, et soror mea Margareta. Et hoc tueri et garantizare teneor, et ut nullatenus possit infirmari, sigilli mei munimine roboravi. Actum .


1 Il y a un moulin de Nuisement sur l'Eure, à Jouy.