École des chartes » ELEC » Cartulaires d'Île-de-France » Port-Royal » Cartulaire » Guillaume d'Issy vend à l'abbaye 11 arpents à Saclay, du consentement de ses seigneurs Jean Estricart et Simon de Saint-Médard.

Guillaume d'Issy vend à l'abbaye 11 arpents à Saclay, du consentement de ses seigneurs Jean Estricart et Simon de Saint-Médard.

  • B Bibl. nat. de France, lat. 10997, nº 135.
  • a Cartulaire de l'abbaye de Porrois au diocèse de Paris, plus connue sous son nom mystique Port-Royal, éd. Adolphe de Dion, Paris, 1903.
D'après a.

Omnibus presentes litteras inspecturis, Officialis Curie Parisiensis in Domino salutem. Notum facimus quod in nostra presentia constituti Guillelmus de Yssiaco miles, et Sedilia, ejus uxor, asseruerunt quod habebant quandam peciam terre in parrochia de Sarcleio, in loco qui appellatur Frigidus Bos, qui continet undecim arpentos terre vel plus. Quam recognoverunt se vendidisse monialibus de Porregio quemlibet arpentum pro decem libris parisiensium, nichil juris in dicta pecia terre sibi vel heredibus suis retinendo. Promittentes, fide data, quod contra dictam venditionem non venient in futurum, et quod dictam peciam terre tenendam in manu mortua tenendam dictis monialibus contra omnes garantizabant ad usus et consuetudines Francie. Predicta autem Sedilia, uxor Guillelmi quitavit expresse quidquid in dicta pecia terre habebat ratione dotalicii, spontanea, non coacta, fide prestita corporali. Et insuper Johannes Estriquart, miles de cujus feodo primo et Simon de Sancto Medardo de cujus feodo secunda pecia terre movere dicitur, in nostra presentia constituti, dictam venditionem voluerunt et concesserunt fides prestita. Preterea cum dubitaretur an Johannes Estriquart esset primus Dominus feodi et Simon de Sancto Medardo secundus, predicti Guillelmus et ejus uxor, promiserunt quod si aliqui venirent qui dicerent se esse primus aut secundus dominus dicte terre, ipsi conservarent dictas moniales indempnes et ei restituerent omnia dampna que ex hoc haberent et deperdita. Et de predictus tenendis et firmiter observandis, Johannes frater Guillelmi, et Petrus de Marillio, miles, coram nobis se fidejussores constituerunt, uterque in solidum. Isabellis vero, uxor Johannis Estriquart, militis, dictam venditionem voluit et quitavit quidquid juris habebat in dicta terra, ratione dotalicii seu alio modo, fide data in manu presbiteri de Bevra, ad hoc a nobis specialiter destinato, ut idem presbiter per suas litteras patentes nobis certificatus est .