École des chartes » ELEC » Cartulaires d'Île-de-France » Port-Royal » Cartulaire » Thibaut de Houx abandonne à l'abbaye la dime engagée par son père.

Thibaut de Houx abandonne à l'abbaye la dime engagée par son père.

  • B Bibl. nat. de France, lat. 10998, nº 17.
  • a Cartulaire de l'abbaye de Porrois au diocèse de Paris, plus connue sous son nom mystique Port-Royal, éd. Adolphe de Dion, Paris, 1903.
D'après a.

Universis presentes litteras inspecturis, Officialis Curie Parisiensis, salutem in Domino. Notum facimus quod, coram nobis constitutus, Theobaldus de Houseio, asseruit coram nobis quod contentio inter ipsum ex una parte, et abbatissam et conventum de Portu Regis, ex altera, fuerat agitata super eo videlicet quod dicti abbatissa et conventus faciebant dictum Theobaldum citari coram nobis pro eo quod idem Theobaldus nolebat redimere quandam decimam quam defunctus Johannes Rex, pater quondam dicti Theobaldi, eisdem abbatisse et conventui, titulo pignoris, obligaverat, ut dicebat. Tandem dictus Theobaldus, propter hoc in nostra presencia constitutus, quitavit penitus et expresse coram nobis eisdem abbatisse et conventui de Portu Regis ac eorum monasterio dictam decimam. Promittens, fide data in manu nostra, quod in dicta decima nichil juris, ratione quacumque, per se vel per alium reclamabit vel faciet reclamari, et quod dictos abbatissam et conventum, ratione decime, per se vel per alium, de cetero nullatenus molestabit vel faciet molestari. .