École des chartes » ELEC » Cartulaires d'Île-de-France » Port-Royal » Cartulaire » Herric de Navibus donne une rente de 4 livres sur une maison aux Champeaux.

Herric de Navibus donne une rente de 4 livres sur une maison aux Champeaux.

  • B Bibl. nat. de France, lat. 10998, nº 7.
  • a Cartulaire de l'abbaye de Porrois au diocèse de Paris, plus connue sous son nom mystique Port-Royal, éd. Adolphe de Dion, Paris, 1903.
D'après a.

Universis presentes litteras inspecturis, Officialis Curie Parisiensis, salutem in Domino. Notum facimus quod, in nostra presentia constitutus, Herricus de Navibus, civis Parisiensis, asseruit quod ipse habebat et percipiebat annis singulis, quatuor terminis Parisius consuetis, novem libras parisiensium incrementi census sive annui redditus super quadam domo sita Parisius in Campellis, contigua domui defuncti Gilonis Charronis ex una parte, et domui olearie ex altera, ab oppositis domus de Porreis, in censiva domini regis, honerata in duobus solidis census, ut dicitur capitalis. De quibus novem libris parisiensium super domo predicta, dictus Herricus dedit et concessit ex nunc in perpetuum, irrevocabiliter, pure et perpetuam elemosinam, donatione facta inter vivos, religiosis mulieribus abbatisse et conventui de Porreis et earum monasterio, quatuor libras parisiensium incrementi census sive annui redditus, habendas et percipiendas ex nunc in posterum ab eisdem abbatissa et conventu super domo predicta pacifice et quiete, immediate post dictos duos solidos capitalis census, quatuor terminis Parisius consuetis. Promittens idem Herricus, fide in manu nostra prestita corporali quod contra donationem et concessionem predicta, jure aliquo communi vel speciali, per se vel per alium non veniet in futurum ; et quod dictas quatuor libras incrementi census sive annui redditus dictis abbatisse et conventui garantizabit, liberabit et deffendet perpetuo contra omnes..... In cujus rei testimonium, sigillum Curie Parisiensis, ad petitionem dicti Herrici, litteris presentibus duximus apponendum. .