École des chartes » ELEC » Cartulaires d'Île-de-France » Port-Royal » Cartulaire » Rente de 4 livres donnée par Guiot et Bertaud d'Orsignies.

Rente de 4 livres donnée par Guiot et Bertaud d'Orsignies.

  • B Bibl. nat. de France, lat. 10998, nº 16.
  • a Cartulaire de l'abbaye de Porrois au diocèse de Paris, plus connue sous son nom mystique Port-Royal, éd. Adolphe de Dion, Paris, 1903.
D'après a.

Omnibus présentes litteras inspecturis, Officialis Curie Parisiensis, salutem in Domino. Notum facimus quod, constituti coram nobis Guiotus de Orsignies et Bertaudus, frater ejus, armigeri, concesserunt et contulerunt abbatisse et conventui de Portu Regis, in puram et perpetuam elemosinam, quatuor libras parisiensium annui redditus, persolvendas in posterum per manus eorum et heredum suorum dictis monialibus vel ipsorum mandato, scilicet a quolibet ipsorum quadraginta solidos hiis terminis qui secuntur : videlicet medietatem, et alteram medietatem. Pro quibus quatuor libris sic reddendis in posterum annuatim, dicti Guiotus et Bertaudus obligaverunt coram nobis XII arpenta terre qui habent, scilicet in terra de Curel IX arpenta, et in terra de Crucibus tria arpenta, ab omni honere et obligatione libera et quieta, preterquam de decima et de jure dominorum feodi, ut dicebant. Tali pacto quod dicti Bertaudus et Guiotus, armigeri, vel eorum heredes sive successores, dictam terram vendere, obligare vel quolibet alio modo alienare sen in aliquem transferre, in futuram non poterunt. Et quod, si dicti Guiotus et Bertaudus, vel alter eorum seu eorum heredes in solutione dicte pecunie, in aliquo de terminis prenominatis, deficerent, post mensem a defectu dicte moniales ad dictam terram possint se assignare libere et sine contradictione, auctoritate propria, et de ipsa terra, sine contradictione, tanquam de propria, suam possint omnino facere voluntatem. Et, post assignationem a dictis monialibus ad dictam terram factam, a dictis fratribus vel eorum heredibus non fieret solutio pecunie predicte. Obligaverunt insuper et honeraverunt, et honeratos et obligatos esse voluerunt ad solutionem dictarum quatuor librarum annuatim in posterum dictis terminis faciendam, heredes suos, successores suos et possessores sive detentores quoscumque dictarum terrarum. Et promiserunt dicti fratres, fide in manu nostra prestita corporali, pro se et heredibus suis sine successoribus, quod dictas quatuor libras, ut dictum est, annuatim reddent et quod premissa omnia observabunt, et quod contra, per se vel per alium non venient in futurum. Abrenuntiantes exceptioni minoris etatis et omnibus aliis exceptionibus qui illis possent prodesse et dictis monialibus obesse ; se et heredes suos sive successores, quantum ad hec, juridictioni Curie Parisiensis supponentes. In cujus rei testimonium ad petitionem dictarum partium, presentes litteras sigillo Curie Parisiensis fecimus roborari..... Actum .