Accord sur les dîmes de Chagny avec le curé d'Escrones.

Omnibus presentes litteras inspecturis G... decanus et H...Blesensis archidiaconus Carnotenses, salutem in Domino. Noverint omnes quod cum Milo, presbiter de Scronis, traxisset in causam, auctoritate apostolico, coram nobis, abbatissam et conventam de Porregio petens ab eis nomine ecclesie sue decimas terrarum quas ipse possident in territorio de Chahengnai sibi reddi, jure parrochiali cum dicte terre novalia essent site infra metus parrochie de Scronis ; et dicte moniales responderent quod cum sint Cistercienses privilegiatos sunt in hoc quod de hiis que propriis manibus vel sumptibus excolunt, decimas solvere non tenentur, et ipse dictas terras propiis sumptibus ad culturam redigi faciunt ; quare dicto presbytero dictas decimas reddere non tenebantur. Ad quod dictus presbiter replicando dicebat quod dicte abbatissa et conventus dictas terras a nobili viro Buchardo de Malliaco bone memorie reciperant ; ipse Buchardus ante translationem domini al culturam redegit usque ad septem modios et dimidium semeure, et petebat quod saltem de terris illis sibi decime redderentur, et ad hoc probandum testes produxit. Tandem de bonorum virorum consilio talis pax fuit inter eos reparata quod dicte a. et c. dicto presbitero et suis successoribus dederint septem arpenta terre ad Beate Marie in perpetuum nomine ecclesie de Scronis possidenda ; et dictus presbites dictam abbatiam quitavit a decimis quas a dictis reclamabat, quoniam diu propriis sumptibus terras supradictas coluerent. Reverendo patre ac domino G...Carnotensi episcopo, et venerabili viro Stephano Carnotensi archidiacono et patrono dicte ecclesie, approbantibus pacem istam. Et cujus rei noticiam et testimonium, ad instanciam utriusque partis, presentes litteras notari fecimus et sigillorum nostrorum munimine roborari. Actum anno Domini millesimo ducentesimo tricesimo, mense junio.