École des chartes » ELEC » Cartulaires d'Île-de-France » Port-Royal » Cartulaire » Guillaume de Saint-Julien engage sa dîme de Saint-Escobille.

Guillaume de Saint-Julien engage sa dîme de Saint-Escobille.

  • B Bibl. nat. de France, lat. 10997, nº 42.
  • a Cartulaire de l'abbaye de Porrois au diocèse de Paris, plus connue sous son nom mystique Port-Royal, éd. Adolphe de Dion, Paris, 1903.
D'après a.

G.(alterus) divina permissione Carnotensis ecclesia minister humilis, omn. pr. litt. inspecturis salutem in Domino. Notum facimus quod Guillelmus de Sancto Juliano, miles, in nostra presencia constitutus, recognovit se pignori obligasse totam decimam quam percipiebat in parrochia Sancti Scubiculi, abbatisse et conventui de Porrois cisterciensis ordinis, pro sexaginta quinque libris parisiensium, ab eisdem quiete possidendam donec redimatur. Fide in manu nostra prestita quod dictam decimam durante impignoratione eisdem garantizabit bona fide et easdem super hoc indempnes conservabit. Maria eciam, uxor ejus, de cujus conquesta esse dinoscitur decima dicta, in nostra presencia impignorationem de bona voluntate sua voluit et conceesit, fide in manu nostra data quod contra eandem de cetero, per se vel per alium, non veniet, sed eam dictis monialibus, bona fide proposse suo tenebit et eas super hoc indempnes conservabit. Germundus vero de Marolio de cujus feodo decima movet, dictam impignorationem, in nostra presentia voluit et laudavit et garantizandam dictis monialibus, fide data promisit. Item Germundus et Guillelmus de Valle Sancti Germani, milites, Stephanus de Jerra et Johannes de Valle Sancti Germani, armigeri, se plegios constituerant, fide in manu nostra data, promittentes se apud Sanctum Arnulfum prisionem tenere, nec inde exire donec predictis monialibus de dampnis et de perditis et etiam de tota pecunia supradicta esset satisfactum, si aliquis eas supra hoc durante impignoratione molestaret. Nos igitur istam impignorationem approbantes, ad petitionem prefati Guillelmi, militis, et Marie, uxoris ejus, presentes litteras inde factas sigilli nostri munimine duximus roborandas. Actum .