École des chartes » ELEC » Cartulaires d'Île-de-France » Port-Royal » Cartulaire » Bouchard de Marly confirme le don fait par Simon de Buisson.

Bouchard de Marly confirme le don fait par Simon de Buisson.

  • B Bibl. nat. de France, lat. 10997, nº 85.
  • a Cartulaire de l'abbaye de Porrois au diocèse de Paris, plus connue sous son nom mystique Port-Royal, éd. Adolphe de Dion, Paris, 1903.
D'après a.

Universis presentem paginam inspecturis Buchardus, Dei gratia dominus Malliaci et Castrifortis, salutem in Domino. Noverint omnes quod Symon de Buisson, miles, cum assensu uxoris sue, et matris sue, Rencie, et sororis sue, Guiburgis, domui de Porregio concessit libere et quiete in perpetuam elemosinam terram quam habet in territorio de Voisins ab Emelina de Castroforti, salvo censu suo qui annuatim reddendus est , tres solidi videlicet et dimidium parisiensium. Idem vero Symon, in presentia uxoris mee Matildim, promisit legitimam guarandiam, per se vel per heredes suos in perpetuum, fide corporaliter prestita, et fidejussoribus interpositis, Guidone videlicet de Buloher et Gaufrido de Buisson, militibus. Notandum etiam quod si predicta domus terram illam a se ex integro alienaverit, emptor sine venditionibus terram tunc habebit, deinceps vero et venditiones et alia jura debebit, sicut alie censive, predicto Symoni et heredibus suis. Hoc autem ut ratum et inviolabile perseveret, presens scriptum sigilli mei impressione munivi. Actum . Valete.