École des chartes » ELEC » Cartulaires d'Île-de-France » Port-Royal » Cartulaire » Bouchard de Marly et Matilde abandonnent le cens réserve par eux sur le bois de Molerets et confirment divers dons.

Bouchard de Marly et Matilde abandonnent le cens réserve par eux sur le bois de Molerets et confirment divers dons.

  • B Bibl. nat. de France, lat. 10997, nº 83.
  • a Cartulaire de l'abbaye de Porrois au diocèse de Paris, plus connue sous son nom mystique Port-Royal, éd. Adolphe de Dion, Paris, 1903.
D'après a.

Noverint universi quod ego Buchardus, dominus Malliaci et Matildis, uxor mea, quitavimus et dedimus monialibus de Porregio quadraginta solidos parisiensium et novem denarios et obolem quos solebant reddere nobis de nemore Molerez quod pertinebat ad hereditatem predicte Matildis, uxoris mee usque ad magnam viam que vocatur la Chevee de Bulloher que dividit dictum nemus de deffes de Removilla, pro remedio animarum nostrarum et patrum et matrum et antecessorum nostrorum, libere et quiete in perpetuam elemosinam possidendos, salva justicia nostra. Quitavimus etiam viginti solidos quos Simon Monachus, miles, emerat de canonicis de Faleise quos Matheus pater meus, dederat eis in quodam furno sito in Vetere Judea Parisius. Concessimus etiam quandam domum apud Marleium quam Odelina dedit eis in elemosinam, salva justicia nostra. Et si forte contigerit ut vendatur, vel quoquo modo a predictis monialibus alienatur censum et quidquid donavimus habere volumus. Quod ut ratum sit, sigilli mei munimine roboravi. Actum .